ЎЗБЕКИСТОН РЕСПУБЛИКАСИНИНГ РОССИЯ ФЕДЕРАЦИЯСИДАГИ ЭЛЧИХОНАСИНИНГ ФУҚАРОЛАР УЧУН РАСМИЙ МУРОЖААТИ МАТНИ
Айрим оммавий ахборот воситаларида “Ўзбекистон фуқаролари томонидан жанговар ҳаракатларда қатнашиш учун кўнгилли батальонлар ташкил этилагётгани” билан боғлиқ нашрлар юзасидан Ўзбекистон Республикасининг Россия Федерациясидаги элчихонасининг фуқаролар учун расмий мурожаати матнини ҳавола қиламиз.
"Ўзбекистон Республикасининг Россия Федерациясидаги элчихонаси ватандошларни хорижий давлатлар ҳудудида кўнгилли батальонлар тузиш ва/ёки ҳарбий ҳаракатларда қатнашиш учун жиноий жавобгарлик белгиланганидан огоҳлантиради.
Дипломатик миссия Ўзбекистон Жиноят кодексининг 154-моддасига (“ёлланиш”) кўра, ўзга давлат ҳудудида ёки унинг тарафини олиб қуролли тўқнашувда ёхуд ҳарбий ҳаракатларда қатнашиш учун ёлланиш жиноят ҳисобланишини маълум қилади. Ушбу ҳаракатни содир этганлик учун ўн йилгача озодликдан маҳрум қилиш шаклида жазо белгиланган.
Элчихона Ўзбекистон Республикаси фуқароларини Ўзбекистон Республикаси Жиноят кодексининг юқоридаги моддаси бўйича содир этилган ноқонуний қилмиш тўғрисида холис ахборот мавжуд бўлган барча шахслар истисносиз жиноий жавобгарликка тортилиши ҳақида огоҳлантиради.
Элчихона юртдошларимизни провокацияларга берилмасликка, эҳтиёткорлик билан иш кўришга чақиради".
ЎЗБЕКИСТОН РЕСПУБЛИКАСИ ПРЕЗИДЕНТИНИНГ ҚАРОРИ
Ўзбекистон Республикаси давлат мустақиллигининг ўттиз бир йиллик байрамига тайёргарлик кўриш ва уни юқори савияда ўтказиш тўғрисида
ОЛИЙ МАЖЛИС ҚОНУНЧИЛИК ПАЛАТАСИДА КОНСТИТУЦИЯВИЙ ҚОНУН ЛОЙИҲАСИ УМУМХАЛҚ МУҲОКАМАСИНИНГ ЯКУНЛАРИГА БАҒИШЛАНГАН БРИФИНГ ЎТКАЗИЛДИ
Ўзбекистон Олий Мажлиси Қонунчилик палатасида 1 август куни парламент қуйи палатасининг Коррупцияга қарши курашиш ва суд-ҳуқуқ масалалари қўмитаси ҳамда Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмиталари томонидан оммавий ахборот воситалари вакиллари учун брифинг ўтказилди.
Тадбирда “Ўзбекистон Республикаси Конституциясига ўзгартиш ва қўшимчалар киритиш тўғрисида”ги Конституциявий қонун лойиҳасининг умумхалқ муҳокамаси якунлари тўғрисида ахборот берилди.
Брифинг парламент қуйи палатасининг YouTubeдаги расмий саҳифасида жонли эфирга узатилди.
MARIUPOL SHAHRIDA QAROVSIZ TASHLAB KETILGAN YUK AVTOMASHINALARI
Oʻzbekiston Respublikasining ayrim ijtimoiy tarmoqlarida Mariupol shahrida qarovsiz tashlab ketilgan yuk avtomashinalarini qaytarilishida amaliy yordam koʻrsatilishi so’ralgan murojaatlarga oid nashrlar yuzasidan Oʻzbekiston Respublikasining Ukrainadagi elchixonasi quyidagilarni maʼlum qiladi.
Mariupol shahri joriy yilning mart oyidan boshlab Rossiya-Ukraina harbiy mojarosining faol kechayotgan hududi hisoblanib, mazkur shaharni yuk avtomashinalari bilan tark etishini imkoniyati bo’lmagan.
Ayni vaqtda, Donetsk viloyatining Mariupol shahridan fuqarolarimizga tegishli bo’lgan yuk avtotransport vositalarini Ukrainada yashovchi o‘zbek diaspora vakillari yordamida ham hal etishga qaratilgan barcha urinishlar ijobiy natija bermadi.
«МАРКАЗИЙ ОСИЁ РУҲИ – ЯРАТУВЧАНЛИК ВА ТАРАҚҚИЁТ ТИМСОЛИ»
Анвар Носиров,
Марказий Осиё халқаро институти директори
Жорий йил 21 июль куни Чўлпон-Ота шаҳрида Марказий Осиё давлатлари раҳбарларининг навбатдаги, тўртинчи Маслаҳат учрашуви бўлиб ўтади. Анжуман давомида беш мамлакат етакчилари жорий кун тартибидаги долзарб масалаларни муҳокама қилишади, ҳамкорликнинг истиқболли йўналишларини кўриб чиқишади, минтақавий ўзаро боғлиқликни мустаҳкамлаш ва кўп томонлама шерикликни кенгайтиришга қаратилган устувор вазифаларни белгилаб олишади.
Шуни алоҳида таъкидлаш жоиз, Марказий Осиё давлатлари раҳбарларининг Маслаҳат учрашувларини ўтказиш ташаббуси Ўзбекистон Республикаси Президенти Шавкат Мирзиёев томонидан 2017 йил сентябрда, Бирлашган Миллатлар Ташкилоти Бош Ассамблеяси 72-сессиясида янграган эди.
