Ўзбекистон Республикасининг Украинадаги Элчихонасида мамлакатдаги йирик фармацевтика компанияси “Лекхим” бош директори Печаева Татьяна Валерьевна билан учрашув бўлиб ўтди.
Ҳозирги кунда ушбу номдор компания ўзбек ҳамкорлари билан қўшма корхона очиш орқали юқори тарзда ривожланаётган Марказий Осиё бозорига чиқишни мақсад қилган.
Компания Ўзбекистон рахбарияти томонидан фармацевтика саноатини модернизация қилиш, замонавий илмий ютуқларни хамда инновацион технологияларни жалб этиш борасида олиб бораётган ислохотларни инобатга олган холда қиймати 40 млн АҚШ доллари миқдоридаги антибиотик махсулотларини ишлаб чиқиш ва сотишга мўлжалланган қўшма инвестицион лойихани амалга оширишни режалаштирган.
Музокоралар давомида ҳамкорлар минтақа бозорида ўз ўринларини эгаллаш мақсадида коронавирус пандемиясига қарамай, тез кунларда ўз режаларини амалга оширишга ва фуқароларга сифатли хамда арзон дори воситаларини таклиф қилишга тайёр эканликларини билдиришди.
Учрушув давомида, юқоридаги режани амалга ошириш ва 2021 йилнинг биринчи ярим йиллигида корхонанинг дастлабки қисмини ишга тушириш масаласига алохида эътибор берилди.
